Sabado, Disyembre 24, 2011

Fidel: Anyo ng Krimen



Naririto ako dahil may kailangan narito
Dahil kung may krimen, dapat may kriminal
Hindi ko pinili ang maparito
Sa aking kinalalagyan, sa likod ng rehas na bakal

Kahit  itanggi’y wala akong magawa
Para sa madaling sulosyon ako ang pinakita
upang may mukha  ang isang gawa…
Nang kung sino, ng kung para saan

Pagkakasalang hindi ako ang may gawa
Ang ipinaratang… ang sa akin ay pinapaangkin
Paano ko tatanggapin?  gayong ang hatol
ay di para sa akin

Naririto ako dahil may kailangan narito
Para sa dagliang kasagutan ng isang suliranin
Na hindi hinanapan ng katutuhanan…
Bagkus  ako ang syang kinasangkapan

Habang buhay ko ang kapalit
Upang maging tama lamang ang mali't maigiit
Ako ngayon ang naririto
Habang ang may sala,  sa trono nakaupo



Si Fidel ay isang bodyguard ng anak ng isang Mayor… ipinagtanggol ang amo mula sa isang gulo, nabaril ng amo ang isang kaaway… si Fidel ang syang ikinulong dahil siya daw ang may kasalanan, saya ang bumaril, siya ang may kagagawan. Hanggang sa kasalukuyan nasa kulungan parin si Fidel… Samantalang Mayo ng taong 2010 ang anak ng Mayor... Alkalde na rin.

Walang komento:

Mag-post ng isang Komento